久違了的單車感覺

今日一起身, 天色不錯, 腦海中浮現著四樣可做既事情, 做report (my god >.<), 玩gym?, 影相? 還是踩單車呢? 望一望架單車,直覺上己經俾佢吸引住, ha ha.. 好.. 換衫出發. 但不幸既事發生了... 就係著開個件fit身既單車衫,腰側兩邊既肥膏呼之肉出,唉............. 大鑊.原來上次踩單車係5月7日,真係成個月無踩. 先發覺踩車減唔走我個肥肚腩,但絕對可以阻止我個肚腩進行第三期發育. 最後都係換返件闊身單車衫,嘩.. 都係闊身衫好.. ha ha. Go Go Go! 一出車,就要落後山條大斜路落九龍塘, 落斜時, 個一種空氣流動與皮膚磨擦所發生既刺痛,簡直令我興奮,成個人都好集中.醒曬 爽呀! 轉到哥和老街,又係上斜既時候,心諗上呀上呀.. 點知上到半段後發覺腳仔開始有點軟. 耐無踩. 其實都知會係咁. 所以都無迫自己.慢慢咁輕輕鬆鬆踩到上澤安村. 哈哈. 黎到澤安村又係玩最興奮既落樓梯.正當準備衝落去既時候,腦海諗起一個好重要既人,好奇怪的感覺.所以我決定係這個位,影了一張相做留念.
TEST
過完大埔道,望望行人路,嘩.. 仲整緊路,今日又無乜車,所以今日落馬路, 全程都無車係後面,唔知的車去曬邊.
落到大圍單車徑,安全啦.向著美林方向踩去大埔,但未去到大埔,發覺大圍改路改到天花龍鳳,又多沙又多塵,過到文化中心個邊,離遠見到幾個踩街車既死飛仔俾一個交通警同軍裝叫停,我這些醒目仔當然立即落車推啦.ha ha.
全程吐露港既路程都無乜單車,只聽到自己單車既車tire同地面磨擦出黎既tire聲,好鍾意這個聲音.入到大尾篤時食飯,見到水哥同一班車友踩過,當然立即打個電話俾佢啦.食完飯買了支sprite上水霸飲,飲了幾啖,嘩.甜到爆.成口甜爺爺呀.下次都係唔好買汽水.回程時見到犀牛,水哥又話係大埔等我,咁我當然用極速踩去大埔找水哥啦.但力不從心囉.踩到去大埔無氣無力.不過水哥都很好.陪我踩出沙田,我先無咁悶,一路踩一路講o下玩gym踩車的o野,輕鬆得很.不過痛苦既大埔又黎啦.踩呀踩. 踩到頂啦.又見到騎警,當然第一時間跳落車啦,但發覺這位騎警竟然用緊電話幫自己架警車影相,最搞笑係佢企係馬路口,俾後面架私家車砵佢,這位阿sir真係唔知佢玩乜.
踩到返屋企.真係散散地.但感覺很正.今日流o左好多汗,希望會瘦返的 XD.