山羊奇遇記

話說影單車比賽聽到咩咩聲, 唔係人地講粗口,係真既羊聲, 原來奶媽一早己經發覺係邊到可以找到佢地,影曬單車比賽就緊係找佢地做model啦.一入早叢,嘩.... 好多隻, 但一見我地兩個傻佬入去地地盤就走返曬入屋.. ha ha. 不過等o左一陣,佢地又慢慢行曬出黎食o野, 仲要唔係好驚我地, 其實我驚過佢.. 因為好多羊有角, 其實我懷疑的羊係有人養的, 因為滿地都係麵包, 不過的鐵絲網己經剪走o左某部份,其實的羊係可以通山走了, 最得意見到的羊好醒咁企係到食一的高位置既葉,應該係嫩一的好味的.佢地食我地就係咁影.. ha ha. 都幾好玩.當日唔知做乜咁鬼好天,有藍天白雲. 仲要熱到爆. 下次再去唔知會唔會見到佢地呢... http://zircon.no-ip.org/sheep/

全港山地車賽2006 - downhill @ 河背

上星期日係downhill 比賽既第一場, 當然又係晨咁早行上河背影啦, 不過今次都遲o左的. 無咩時間睇位. 今次阿so又唔係香港, david又唔得閒, 好彩仲有奶媽陪我一齊去影. 今次運用閃燈去影,影得麻麻地,自己唔係好滿意, 返到黎問david大師兄先知可以用同步後廉去影,唉... 下次再黎過.. ha ha . 相在此 http://zircon.no-ip.org/downhill@hopui/

迫到爆既香港濕地公園

影完nike跑步比賽,隔離就係香港濕地公園,以為一早唔會太多人,你錯了,大錯特錯,$30入場,享受o左 30分鐘寧靜,之後既人潮,有如nike開跑個一刻既洶湧.當日貝貝唔識醒, 天灰灰, 好大煙霞, 一團團既旅行團, 小朋友走來走去, 行橋俾人推住黎行, 就算俾你停到影o下相,的人都會團住你,以為你發現新大陸, 之後就嘩嘩聲,嘩.... 朵荷花開得好靚呀... =.=" 人多過雀, 無咩蟲, 可能好多人都發覺入o左黎捉曬蟲, 所以的蟲無曬. ha ha.. 講佐好多負面o野.. 其實個公園都幾靚既,真係有好多雀, 蝴蝶都有, 仲有幾cute既紅蟹, 有荷花影o下, 好多魚係水到. 如果唔係太多人既話. 都值行入去行返大半日既. 真係有心去既話真係10點好入場. 因為個日走時己經見佢無飛買,因為太多人所以停售, 祝君好運 XD 有興趣就睇睇相啦 http://zircon.no-ip.org/wetlandpark

Nike 10km 挑戰賽 2006

呠一聲, 5500對腳同一時間起跑, 成條橋震動得好勁, 一鼓殺氣沖緊黎, 萬馬奔騰般, 唔係打仗, 其實我係講緊上星期日係水天圍舉行既NIKE 10km 挑戰賽. 當日既比賽好多識既人參加,單車朋友又有.. 公司同事又有. 不過最最最辛苦影比賽係要一大清早5:30起身, 搭頭車入天水圍,仲要個日頭班車係爆曬.可想當日比賽好多人去. 不過辛苦還辛苦, 可以幫朋友記錄佢地比賽時既鏡頭,自己都有一份滿足感. 今次要特別鳴謝david, 因為佢幫我影個張相傳遍我公司,真係多得佢唔少哩.. ha ha... 有興趣可以去david個photo album 睇o下.. 佢的相好靚 http://www.fotop.net/Davidy. 今次我自己既相http://zircon.no-ip.org/nike2006.

尋找白海豚遊記

今個weekend真係忙不停, 唔係工作忙, 係玩既節目忙, 星期六幫金水影完毅行,星期日一早就出海睇白海豚, 今次睇白海豚係係楊sir引導下幫手報名join埋佢一齊參加文協既一日游活動, 係到要多謝楊sir 先.. 今日真係玩得好開心. 其實未出發前, 覺得睇到白海豚既機會唔大, 因為試過去玩吊墨魚,一條墨魚都吊唔到之餘,仲要嘔到反曬胃, ha ha... 但今次真係無失望, 搭船入大澳食海鮮餐時, 己經見到兩條白海豚, 好興奮, 成船人都好興奮, 嘩嘩大叫,唔知係唔係叫得大聲過龍... 個兩條白海豚浮上水面5-6次就游走o左羅, 我只係影到佢背鯕, 不過無覺得可借,起碼見到先. 之後行程入o左大澳食海鮮餐, 當然個餐唔好期望太高啦, 食完午飯,同o左 楊sir,楊太, 阿雄同文傑一齊周圍行, 可能以前入大澳太細個,腦海只係有倚希既印象,今日既大澳對我黎講好新鮮,我女朋友仲係第一次黎大澳,所以我地兩個都好開心,係咁周圍睇o野,見到好多人曬o野啦, 抄花膠(用石抄嫁),買了蝦膏, 不過重頭戲當然係買小食啦,有炸薯餅,羅白絲, 最得意係食到燒沙展魚乾,好好味,第一次食, 最最最可借係食唔到茶果呀,所以同女友己經決定會再黎過大澳,為了茶果, 我地掛住等燒沙展魚乾搞到唔夠時間. 又得一個鐘only, 有機會真係要再去. 大澳 - 真係幾有特色, 因為多o野食.. ha ha.. 去完大澳原來會去一個叫沙洲既地方, 個到就無得特別.. 是只有個天文台, 又可能天色太灰啦,唔多覺個到太靚. 有興趣又黎睇o下啦! http://zircon.no-ip.org/dolphin/

金水毅行者

星期五,毅行者又開始,今年金水有參加,咁特別既活動,當然要去影相留念一番啦,但我只係係大冒山山頂等佢影一個point位,本來好想幫佢影過終點,無奈星期日要一早去睇白海豚,所以無緣幫佢影過終點個一刻既情景.係等佢途中見到好多參賽者,基本上90%參加者都出現疲態,傷既有傷,拐既都不少,唔知有幾多參加者後悔,又有幾多想再挑戰呢?事問自己就無本事咁行, 因為過程太過辛苦了,我一定會ENJOY唔到固中既樂趣,主要係無得訓,係咁行..... 未搞我.. 哈哈! 一個無得訓,一個無得食既活動都未搞我.... 仲記得有次踩通宵單車我真係攰到就咁訓係路邊... 怕怕... HE HE... 有興趣入黎睇O下金水個日毅行的相啦. http://zircon.no-ip.org/trailwalking/

單車回憶

星期六晚,約o左單車友阿雲同嘉樂短踩入大埔回來,都唔知係自己體能屎o左還是佢地兩個體力勁o左,以前大埔回來簡直係遊遊o下就玩完,個晚佢地爆住係咁入,真係唔係好跟得到, 個晚踩完對大脾緊曬,睇黎似自己重磅o左就真. HAHA, 訓前剛巧收到terence既mail, ha ha. 見佢上報,睇完佢篇單車文章勾起o左好多年前既單車回憶...... 話說當年我都係一個傻仔係大埔道爆呔識得terence, 文章講到. 我就憑著自己的體力和踏著那部單車遊遍許多不同的地方.. .好有同感... 尤其係踩山,個種興奮既感覺真係諗起都想笑. 大家有時間都去睇o下遍文啦. http://zircon.no-ip.org/customsnews002.jpg

石峽尾快將清拆

近排睇newsgroup, 好多人去o左石峽尾影相, 原來石峽尾邨拆囉,仲記得中學個時成日去石峽尾公園打籃球,也有幾個朋友以前住係石峽尾,所以上星期同o左奶媽去o左石峽尾行下影下相懷念一下, 大家可以去睇o下. http://zircon.no-ip.org/shekkipmei 不過入夜既石峽尾邨都幾鬼下.. ha ha. 今個星期有時間應該會再去多次.