17km 港島徑

今日晨咁早,又操練,8點食過早餐,就係柴灣出發跑去淺水灣. 一個字 - 爆! 全長17km. 自己能力根本得10km 左右. ha ha..不過開頭 10km 真係跑得幾順. 雖然尾個幾k 係慢慢行, 但對自己都算係一個突破. 如果唔係土地灣跟o左tommy 老爆一段. 應該可以輕鬆一點. 不過今日算係盡o左力,雖然係跑得最慢既一個.但都覺得好開心. 不過中間有小插曲,跑跑下落大雨,部ipod 返屋企先知開唔到.down曬. 但又好彩喎. 出完街買bb蝦俾bb魚食之後. 又開得著,聽得行得. 真係好彩. 附上今日跑山路程一張先.. 仲有要恭喜自己由白痴變低能..哈哈! 這個grading 係frog team 代號. 由一個跑步白痴, 變o左一個低能跑步仔? 成班一齊玩,真係咩都笑一餐. 開心又一日,唔開心又一日. 你.. 活得開心嗎?

羽毛球爆笑相

近來除o左星期日係大清踩車,跑步游水外,仲定時打羽毛球,不時有笑料,笑到唔識打.剛巧阿so今次帶o左相機,拍低o左的勁型同勁蝦look既鏡頭.這2張我都好鍾意,應該係好難捕足的.. ha ha

< ---- 係唔係好型呢!

這張中頭獎,極樣哀.慘--->

第一次游出浮台

由細到大,自己都係驚水,中學時跟同學去學游水,係泳池仲差的死,估唔到今日可以游到出浮台. 今日可以游到出浮台,全靠一班一齊踩車,跑步既朋友教導同支持下,得出既成果. 係到要特別多謝billy,佢真係我游水上恩師,教o左我好多o野,以前原來一直都係游錯,花力,慢,易死.. ha ha .尤其佢教水簡單易明,仲一步一步咁改善泳姿.真係好效用. 我咁鬼蠢佢都教得惦,真係好勵害.講真... 我用o左幾年時間去學游蛙式. 都唔夠這一個月學返黎既野多.我由最初驚水,唔敢游海灘,到敢係淺水地方打橫游再由浮波線回來游,到今日游出浮台.都只係1個月時間左右. 但其實今日游出浮台個時都有的緊張.話曬係個海中間.... 真係有點壓力. 不過最後都輕輕鬆鬆到達. 浮台既感覺 - 轉轉下又浮浮下.其實無咩特別,不過見到沙灘咁迫人.. 浮台又無咩人,都幾開心,之後我地仲係到玩跳水,我當然唔識跳,仲唔想跳,不過最後都跳o左2次... 其實應該係撻水先o岩,撻落水原來係好痛 ha ha.

可愛BB

咁可愛既bb當然唔係我嫁啦!這個係我表姨既女,剛剛滿月,可借滿月酒去唔到,因為OT到通頂,心好想去,但工作在身,走唔甩,有點失望. 好彩細佬影o左好多相. bb表情多多,好可愛.祝bb快高長大,身體健康. 近來都有同事生了bb女,唔知咩樣呢! 哈哈!
http://www.fotop.net/zircon/Baby
條link要password,外人唔俾睇. 哈哈哈!

近況

前日收到一個中學同學電話來電,話題都係一些大家近況,不過佢問起做乜你個blog無新野既? 係... 好耐無寫個blog. 近排一來工作忙o左,時間又少o左, 有時返到屋企都要跟一跟的工作. 而且近來好像好多不開心既事發生,搞到個人都無咩心機去寫個blog. 希望唔好既事快的過去, 事事都可以順景. 近來都多了跑步, 同frog team一齊跑, 齊嘩嘩咁, 一來可以跑下二來成班人跑又開心的. 而且佢地一的function 好早開始. 通常8:00 己經開操, 1:00 己經操完,下午仲有好多時間做自己o野,幾好! 以前覺得自己根本唔夠體力跑完 10km 再踩單車, 原來辛辛苦苦自己仲頂得住. 不過咁操法,體重都無輕到,反而係重o左! 哈哈. 最後, 原來有些朋友唔知我有個photo ablum. 有興趣可以去look look http://www.fotop.net/zircon

Gatorade AA Off Road Series Race 3

今次Action Asia好多朋友參加,Frog Team成員差不多到齊,仲有阿kent的朋友, 我地一早booko左度假屋係前一晚bbq加過夜. 唔駛一早趕頭趕命.而且今次有大廚兼主力攝影師阿so安排bbq食物同早餐.令大家煩少食方面既問題.係到要多謝阿so 一早預備既bbq食物同一早起身煮早餐俾大家食.有阿so真係無盧so. ha ha . 今次自己無玩到比賽.因為要跑8km山路.自問... 頂唔住跑8km再踩車.所以今次都係出力攝影算啦. 哈哈哈! 好耐無試過十幾二十人一齊bbq. 好熱鬧. 有小朋友又有nelson隻史納沙-阿皮. 而且今次有仲有ray,金水,我同阿so一齊影相, 簡直係陣容頂盛. 影靚相之餘,朋友阿純仲要攞到好成績. 佢係15-29既組別獲得第2, 真係可喜可賀. 係比賽其間又見到好多靚蝶喎.當然忍唔住手影下蝶,佢叫做統師青鳳蝶. 最後要讚下金水第一次用單鏡機影比賽,的相交足曬功課,好有大師既風範. 大家得閒又去睇下啦. http://zircon.no-ip.org/Gatorade AA Off Road Race 3 frog 仲有我今次影既相http://zircon.no-ip.org/Gatorade AA Off Road Race 3

第一次參加比賽

哈哈! 齊嘩嘩,吹吹下,咁就一齊參加o左Action Asia 既比賽, 我參加因為見佢只要跑5km 踩20km單車,所以先同佢地一齊癲下.. ha ha.. 開頭以為跑5km山路好短.大錯特錯,5km山路足以消耗我6成既體力. 為o左準備這次比賽,我同ray, 金水,豬魚都多o左去跑步,又試玩比賽路線. 原來有的目標去操練特別好玩. 一大顆朋友,志同道合,分享經驗,互相競爭,同平時遊車河團原全唔同. 睇得出各人都好盡力. 係今次既比賽除了多謝一齊操練既朋友之外, 仲要多謝陸班長, 因為佢教o左我地好多跑步既知識, 起碼現在唔會跑到腳痛.最難忘係由將軍澳跑出九龍灣... 真係多得你唔少.. ha ha. 令外好開心可以將以前好耐無見既車友.聚返埋一齊.. terence, 阿純. 現在都多o左一齊踩車同操練. 比賽... 原來會玩上癮. 最仲既要多謝客攝影師係比賽當日幫手影相. 阿so, kinson, 大mike, gilbert, 阿源細佬....

無你地既相. 一定無咁開心. 我幫人地影相就影得多... 俾人地影都係第一次.. 好開心.. 好好玩.一個字.. 正呀! 當日比賽相 http://zircon.no-ip.org/myfirst/

雷利衛徑長征2007

一個字形容-金,點金?又熱又濕 33度. 死未...好彩今次我既任務只係攝影,仲有係地鐵送上好甜美既蕉, 不過係鰂魚涌support到油塘都要跟住跑一段路, 跑一陣都己經濕曬, 諗唔到的參賽者既痛苦程度會係點. 今次出賽既青蛙frog隊員分別有以大夫同tommy 既frog A 及 kent同kinson既frog B組合, 元老billy 因為重傷未痊癒未能出賽而轉為frog A support, 屎生就係frog B support.當日一大清早係竹圓村同billy集合,眼都未大就上車出發去大夫輔頭(西記),搬埋的suppot 飲品(成兩箱,以為去開檔). 食埋個排骨飯就正式出發去陽明山莊. 去到起點己經見屎生team,kinson同kent到o左.耀揚一輪後就出發去起點位報到,人數都幾多,一路係起點都見到好多相熟既人,有舊同事desmond,R,蕉爺,vicky,同事wiwin,同一些玩開aae既人. 炮聲一响, 比賽正式開始,影完一大輪上又急急腳去返checkpoint位, 間間斷斷都唔記得第幾個checkpoint就己經係地鐵站等緊, 一心以為係大夫,tommy team 先到既.. 點知係kinson 阿kent到o左. 後來先知大夫因天氣太熱開始戰鬥力下降. 等到大夫到MTR,我就一齊陪跑過油塘,係MTR 內當然照影相,咁難得既機會,點都影返夠本, 有幾何有人係MTR 著曬跑褲跑衫,影相時其實好多人望住.. 哈哈. 其實去到終點前既checkpoint都係kinson 同阿kent快過大夫佢地15mins, 佢地兩team 一路估對方既速度,一路爭取時間. 原來同team之間一樣係比侍緊. 但最後終點一刻結果係4個人一齊衝線. 真係估都估唔到..... 後來問返原因係kinson阿kent跑錯路. 可借可借.. 比賽就係比賽,路係自己行錯, 註定既. 最後佢地係太約第15-16 隊過終點. 時間係 17.5hours. 應該係不錯既成績. frog team 努力呀!
Photo Album : http://zircon.no-ip.org/Raleigh2007