Gatorade AA Off Road Series Race 3

今次Action Asia好多朋友參加,Frog Team成員差不多到齊,仲有阿kent的朋友, 我地一早booko左度假屋係前一晚bbq加過夜. 唔駛一早趕頭趕命.而且今次有大廚兼主力攝影師阿so安排bbq食物同早餐.令大家煩少食方面既問題.係到要多謝阿so 一早預備既bbq食物同一早起身煮早餐俾大家食.有阿so真係無盧so. ha ha . 今次自己無玩到比賽.因為要跑8km山路.自問... 頂唔住跑8km再踩車.所以今次都係出力攝影算啦. 哈哈哈! 好耐無試過十幾二十人一齊bbq. 好熱鬧. 有小朋友又有nelson隻史納沙-阿皮. 而且今次有仲有ray,金水,我同阿so一齊影相, 簡直係陣容頂盛. 影靚相之餘,朋友阿純仲要攞到好成績. 佢係15-29既組別獲得第2, 真係可喜可賀. 係比賽其間又見到好多靚蝶喎.當然忍唔住手影下蝶,佢叫做統師青鳳蝶. 最後要讚下金水第一次用單鏡機影比賽,的相交足曬功課,好有大師既風範. 大家得閒又去睇下啦. http://zircon.no-ip.org/Gatorade AA Off Road Race 3 frog 仲有我今次影既相http://zircon.no-ip.org/Gatorade AA Off Road Race 3

第一次參加比賽

哈哈! 齊嘩嘩,吹吹下,咁就一齊參加o左Action Asia 既比賽, 我參加因為見佢只要跑5km 踩20km單車,所以先同佢地一齊癲下.. ha ha.. 開頭以為跑5km山路好短.大錯特錯,5km山路足以消耗我6成既體力. 為o左準備這次比賽,我同ray, 金水,豬魚都多o左去跑步,又試玩比賽路線. 原來有的目標去操練特別好玩. 一大顆朋友,志同道合,分享經驗,互相競爭,同平時遊車河團原全唔同. 睇得出各人都好盡力. 係今次既比賽除了多謝一齊操練既朋友之外, 仲要多謝陸班長, 因為佢教o左我地好多跑步既知識, 起碼現在唔會跑到腳痛.最難忘係由將軍澳跑出九龍灣... 真係多得你唔少.. ha ha. 令外好開心可以將以前好耐無見既車友.聚返埋一齊.. terence, 阿純. 現在都多o左一齊踩車同操練. 比賽... 原來會玩上癮. 最仲既要多謝客攝影師係比賽當日幫手影相. 阿so, kinson, 大mike, gilbert, 阿源細佬....

無你地既相. 一定無咁開心. 我幫人地影相就影得多... 俾人地影都係第一次.. 好開心.. 好好玩.一個字.. 正呀! 當日比賽相 http://zircon.no-ip.org/myfirst/

雷利衛徑長征2007

一個字形容-金,點金?又熱又濕 33度. 死未...好彩今次我既任務只係攝影,仲有係地鐵送上好甜美既蕉, 不過係鰂魚涌support到油塘都要跟住跑一段路, 跑一陣都己經濕曬, 諗唔到的參賽者既痛苦程度會係點. 今次出賽既青蛙frog隊員分別有以大夫同tommy 既frog A 及 kent同kinson既frog B組合, 元老billy 因為重傷未痊癒未能出賽而轉為frog A support, 屎生就係frog B support.當日一大清早係竹圓村同billy集合,眼都未大就上車出發去大夫輔頭(西記),搬埋的suppot 飲品(成兩箱,以為去開檔). 食埋個排骨飯就正式出發去陽明山莊. 去到起點己經見屎生team,kinson同kent到o左.耀揚一輪後就出發去起點位報到,人數都幾多,一路係起點都見到好多相熟既人,有舊同事desmond,R,蕉爺,vicky,同事wiwin,同一些玩開aae既人. 炮聲一响, 比賽正式開始,影完一大輪上又急急腳去返checkpoint位, 間間斷斷都唔記得第幾個checkpoint就己經係地鐵站等緊, 一心以為係大夫,tommy team 先到既.. 點知係kinson 阿kent到o左. 後來先知大夫因天氣太熱開始戰鬥力下降. 等到大夫到MTR,我就一齊陪跑過油塘,係MTR 內當然照影相,咁難得既機會,點都影返夠本, 有幾何有人係MTR 著曬跑褲跑衫,影相時其實好多人望住.. 哈哈. 其實去到終點前既checkpoint都係kinson 同阿kent快過大夫佢地15mins, 佢地兩team 一路估對方既速度,一路爭取時間. 原來同team之間一樣係比侍緊. 但最後終點一刻結果係4個人一齊衝線. 真係估都估唔到..... 後來問返原因係kinson阿kent跑錯路. 可借可借.. 比賽就係比賽,路係自己行錯, 註定既. 最後佢地係太約第15-16 隊過終點. 時間係 17.5hours. 應該係不錯既成績. frog team 努力呀!
Photo Album : http://zircon.no-ip.org/Raleigh2007

Gatorade AA Off Road Series Race 1

又到action asia off road既比賽開鑼.雖然今次frogteam無人去參加比賽,但仲有蕉爺同Ronald,一早起身約埋阿蕉同R係中環碼頭過去梅窩, 不過阿蕉差的遲到趕唔切上船.R老婆都幫佢老公打氣.真係恩愛 ha ha. 比賽係貝澳-芝麻灣舉行8km 跑山+ 15km 單車,車程真係比較遠,但唔知點解覺得對action asia有點情意結,幾遠幾早都會去影下相咁. 當日比賽成績阿蕉就緊頸四,真係激到佢死.我都覺得有點可借. 努力呀.. 蕉爺. 講多無謂.睇下相啦. 相中好多都係熟識既面孔,不過今次就發現到的單車友,唔知係唔係單車比賽少,所以連的單車友都玩埋actionasia, 講真... 有件衫又有o野飲,真係幾好玩既.仲有件衫真係幾靚仔,有時就咁去買件背心都要百幾蚊啦,家陣俾$200又有衫,又有得玩,又有o野飲供應,真係又食又攞又好玩, 搞到我這個影相既人都去報名去參加下場既比賽. 而且仲有ray, 金水, 阿源,奶水, 阿man 同 terence 都一齊去參加係大棠既比賽. 影相影得多.. 自己落場玩真係第一次. 為o左迎接下場既比賽,己經嘗試操練.但..........好辛苦呢.雖然係跑5km,但我己經覺得好辛苦. ha ha.. 比賽原來一的都唔簡單嫁!
Photo Album: http://zircon.no-ip.org/GatoradeAARace1

空中巴士A380

睇新閒得知,空中巴士會係維港上空低飛,話會飛得低過ifc,搞到腦海成日浮現出維港加IFC再加空中巴士既奇境.機會難得,當然一早約埋的影友去拍低咁期待既鏡頭. 晨早5:30起身即飛的士去尖沙咀海運停車場等. 等到8:00 鐘,終於見到A380遠遠係西環個邊飛過.之後一個靚彎就飛埋過黎尖沙咀,當佢飛過尖沙咀上空時,真係好靜.......靜到你唔可以相信佢咁大架但咁靜既? 但所謂既低飛...根本一的都唔覺得佢低. 可能我以前住城寨大把飛機係天台飛過. 真係可以好近咁望到個飛機肚. 真係有的失望. 無法啦! 當去襯下熱鬧. 影完同阿鍾食埋早餐就返工............頂......好眼訓. 早知唔去影啦.. ha ha http://zircon.no-ip.org/2007_09_03%20A380%20AIR%20Bus

RayChow & Emaily 大喜日子後記

9月1日,開學日子? 哈哈 no no no, 9月1日仲未開學,不過就係raychow同emily既結婚日子,恭喜恭喜,再一次祝你地白頭到老,富貴榮華一齊有,女既靚過林青霞,男既當然型過劉德華,最更要唔怕檬查查,日日發到笑哈哈,子孫滿當又聽話! 好榮幸當日我係做伴郎, 不過raychow一切從簡,當日也不是特別太忙,時間都好充裕,男女家仲住得好近,真係行5分鐘就到個的,唔駛周車勞動. 是我咁多次做兄弟最舒服既一次.而且幾位兄弟,阿源,金水,我同tony前一晚己經係raychow屋企訓,第二朝又唔駛咁趕. 一流呀. 果日一大清早,全兄弟都準備好食早餐時,ray落黎竟然未換好衫, 勁呀! 之後兄弟佈置花車既時候佢己經變o左身..... 好快!搞下花搞下車咁又開始送貨(接新娘),當然我地有咁遲得咁遲先上去啦,呆居居既我地就係樓下玩下自拍. 一切準備就緒就殺上去,準備俾人玩.

game 1:就係貼的錦花糖係ray既唔同部位,EASYJOB啦!我同金水即食啦.

game 2: dirty到爆,要的兄弟一人除一隻襪,襪同襪之間食的提子,好彩我著新襪,最勁味係大輝個隻.幾驚食完要入院.

game 3: 這個就要阿ray用腳夾一索同南既麻雀,兄弟得個睇字,但意頭好好,老人家一定好鍾意,一索得男,ray.. 快的生返個啦..

game 4: 又係好老土既找人簽名,.........無新意
game 5: 愛的宣言,mc kevin唱到high曬,仲high過raychow.

玩曬的無聊遊戲同睇過的姊妹見錢眼開既樣後,就係老人家最開心既時間-飲茶.. ha ha 聽得多現在都識兩句嫁. 飲過新抱茶,富貴又榮華, 茶到口,財到手,買車又買樓, 戴起大囍,戴到兒孫滿地.

係尖沙咀食完飯後,就行落下面伊甸園註冊處,第一個感覺都幾靚,只係地方細o左少少,但好warm好舒服.如過得40人以下黎觀禮就verygood. 又近市區又夠靚,又唔駛同人迫.註冊既時候見ray同emily都眼有瑩光咁.不過endup佢地都無落淚,咁樣多了一個老襯,ray既人生又踏入o左另一個階段.恭喜恭喜!而當日最正既靚相就係係海旁影既藍天白雲,仲玩埋拋花球!最搞笑係kevin 李小龍上身!搞好曬後就打的去酒樓準備晚上既宴會,準備既時候發覺酒樓竟然無headphone頭轉av頭,有冇搞錯?#$)@*#)咁都無,激死!當然即刻同阿源出街周圍睇下有冇,行o左好耐都找唔到. 有就開天殺價,標價$250賣俾我話平$100蚊,搶錢,買條cable要$150?我飛的去鴨記來回加埋條cable未最多$100,都唔駛$150啦!最後好彩係星光行有電腦舖$35就買到.忙呀忙.終於忙到開席.新人進場,mc kevin玩o野,搞到眼濕濕既感性阿ray,流下男兒淚,佢身旁既老婆仲一齊係到笑... XD. 不過kevin其實都係講o左一句: 忍住呀Ray唔好咸呀. ha ha.. 咁阿ray就中o左招. 場面感人. 不過兄弟門就哈哈大笑 XD. 原來平日剛強既阿ray係咁感性. 成個晚宴都好順利, 無人劈酒, 無人搞事. 不過最可借係無玩新人游戲,換o左玩bingo 抽獎. 平平穩穩就搞點.又完成一次使命.... 得閒睇下個album分享一下佢地既喜悅. ho ho! http://zircon.no-ip.org/2007_09_01%20raychow%20marry

YWCA暑期活動閉幕禮

今次亦都係金水哥所託,幫佢中心影閉幕禮,初時以為要硬著一個人去,後來問問後連阿鍾都有興趣去影下,多個人陪下唔駛咁悶,不過當日都表演睇,頒長既流程都算係短,仲要係室內既運動場影,所以一的都唔覺辛苦. http://zircon.no-ip.org/2007_08_26%20YWCA閉幕禮

頭暈暈去鳳園

裝修工程第三日因為有的玻璃架無貨,要等到星期六先可以開工,剛巧raymond同阿ball又話去影蝶,病到聲都沙埋都心癢癢想去.最後俾o左個借口自己: 出去行下啦,出的汗可能好快的咁就join o左佢地去鳳園影蝶啦.. ha ha.. 當日天氣勁熱,好辛苦.但辛苦得黎都有收獲,就係影到好得意既燕鳳蝶,佢係世界最細小既鳳蝶,飛行快捷,能在空中停留甚至倒飛. 雖然話佢地係難見,但我己經係鳳園見過佢地兩次,第一次影唔到,今次就好好彩咁影到佢落黎.太好了.又收集多一隻品種.不過留意到佢成日係採蜜時俾的蜜峰追打.真係可憐.係今個summer都算係正式影蟲影蝶,好有挑戰性,俾你見到佢之餘仲要把握住時機,影佢落黎.而且唔同品種有唔同既習性,不過暫時對佢地了解仲唔算太多,今年打蝶既季節就完了.希望下一個夏季影到更靚既蝶相啦.http://zircon.no-ip.org/2007_08_24鳳園頭暈暈

屋企裝修 - 厠所工程

前排因屋企厠所漏水,搞到屋企要裝修,無o左一大筆錢之餘,仲要無家可歸,今個星期總算裝修好曬,但屋企的就魚死曬,因為打地立時的木糠成間屋都係,的魚應該無空氣所以死曬.其實魚缸己經包o左幾層膠袋,但一樣唔得,我覺得我殺o左的魚,搞到好唔開心.... 最後個大魚缸都唔要得,而且成間屋都係木糠,,好彩之前請o左大假,請咁多日,抺o左咁多日,仲要買返的鏡同架安係厠所,一次過換曬.星期六終於完工,好開心,個厠所好靚仔好整理咁.有ikea既大圓鏡,吊櫃,b&q既玻璃架,買買下又無3千幾銀,仲要自己落手安. 辛苦都爆. 又感冒,仲辛苦過返工. 不過辛苦都值得,家陣沖涼洗面刷牙都爽的呀.. ha ha.....係到要多謝豬魚借出強勁既油壓鑽,佢打鑽鑽牆好似切豆腐咁易.久你一餐.新厠所既樣貌.

義工之體驗-海下

上星期三同五晚屋企打地立,無家可歸,唯有居宿係人地屋企,訓得勁唔好,一來訓唔慣,二來俾人鼻"行"聲攻擊,簡直想死,精神狀態極差,星期六本來要乖乖地係屋企執屋,但金水急call要找義工影相,萬千既不願意但佢竟然話之後上黎幫我手執屋.哈哈..... 見佢真係好需要幫手.唯有崕義氣為朋友,抽半日出黎俾佢,當然我唔駛佢幫我手執屋啦,但請食飯就走唔甩嫁啦.當日既工作只知道要行山入海下,沿途影下相咁,對象原全唔知.成舊飯咁. 1點去到ywca中心,呆等o左20分鐘,終於有位曾姑娘叫人集合同講解今日既rundown, 原來今次係帶的小朋友行山入海下加玩遊戲, 仲係一義工對一個小朋友- one on one戰術,當然我負責影相唔駛帶小朋友,如果我帶小朋友,小朋友一定尖叫或者叫我做猩猩義工.. 哈哈 - 苦笑中=.=", 當的小朋友開始集合時,我己經感覺到佢地既無比興奮,中心變了個街市咁,好嘈... 頭痛中...好多小魔怪. ha ha..上到旅遊車,小朋友開始靜的,因為姑娘開始話玩IQ題,原來小朋友既創意好高,佢地既題目同答案好多時好出人意表,有時好無聊既說話,係小朋友口中講出黎就會變成天真同可愛.換轉係大人口中講出黎就會變得作嘔.成程車玩IQ題,的小朋友就開心o左成程,個個都舉手搶答.的IQ題,我好多都答錯.... 睇黎我IQ真係幾低.. ... 到o左目的地後,仲要30mins入海下個camp site, 一個字......熱..... 好多小朋友都行得好辛苦,但其實我覺得的義工保母仲辛苦,要睇住的咁活潑既小朋友,體力同精神少的都唔得.而我既責任只係係山中間穿穿插插咁影相.到o左海下camp site,己經有的小朋友無力玩,只係座係到休息,當然大部份繼續喪玩,但無比既精力係回程行山時己經出現疲態,始終天氣太熱了.我當然係無問題啦.. ha ha.. 訓練有數嘛.不過最辛苦都係回程座車時有幾個小朋友暈車浪嘔,搞到成架車的味都好難頂,好彩準備o左嘔吐袋,如果唔係司機有排煩,而且連座係我隔離既小朋友都嘔埋一份,講真........我都想嘔,不過個肚空空地先無o野嘔o乍.最後我係由一位攝影師變o左一位照顧小朋友既義工,特然間變o左愛心暴棚,係咁幫佢吹風同講野,叫佢忍住,好快到嫁.不過最後佢都嘔o左3次.幫助嘔吐既小朋友總算係今次旅程最深刻既一幕.. 哎呀.....my god....
http://zircon.no-ip.org/2007_08_18ywca 海下

舊中學同學聚餐

以前的中學同學,定期會出黎食飯,今次搞手係好耐無見既海潮,唔好以為海潮係女仔,其實佢係靚仔一名,點解有咁既花名真係考起,不過以前中學時期改既花名都幾濁下,好似燒昌,奶媽咁.......... 睇黎以前這班後生仔都唔多正經.. 哈哈!不過佢地大個後都無誤入歧途.又可能做左壞人個的無出黎食飯...he he. 不知不覺,原來好多同學已經結曬婚,有幾個仲生理仔女,真係歲月催人,人大o左,想做既事愈黎愈多,但做唔到既事或失敗既事都愈黎愈多,諗既o野都多o左,總覺得有點迷惘. 當晚11人都有傾有講,講下工作講下以前的趣事.講下生bb,點湊仔咁.話題不外都係的是非野咁.哈哈...... 以前讀中學都好似無咁多o野講.講講下都成10點幾.不過當晚既既意大利餐真係唔多好味啦,怪怪地,的肉無肉味, pizza無pizza味,的包好硬,這些餐廳真係試一次就夠.食完後海潮仲問有冇下場, 我地的老人家當然有下場啦... 下場未就係返屋企訓教囉... 唱k 落bar都係o岩的後生仔囉..... 老啦老啦.... 又係時間訓.. http://zircon.no-ip.org/2007_08_17中學dinner

挑戰雙鹿石澗

上星期日,raymond,albert的行山專家帶隊行澗,以前行山就行得多,行水澗都係第一次,成日聽的水澗好危險,落大雨千其唔好行. 今次就有機會去試.之前有的擔心自己行唔惦,因為一向失頭同腳眼位特別易傷,可能上身太重 XD. 行山R柴同仆親係我經常發生係既事, 前排就係仆到連肌肉都拉傷埋,休息o左2個月終於好番曬,所以今次都決定跟佢地行下,之前佢地己經提醒要輕裝,所以個日裝備有咁輕得咁輕,2L水,30d + 17-40 + 50就算,仲有支可愛既迷你腳架仔. 當日一早, 9:30 收到cardes電話,你係邊呀? 吓.....死火,訓過龍.哈哈. 好彩前一晚執好曬所有o野,一起身刷牙洗面即飛的士入西貢,唉........ 咁又無$120.好彩飛到入去仲有時間食個麥記.不過條澗比想像中差. 的水唔多清,無咩流水,仲要水底好多青苔,我都洗o左落水一次.好彩平衡得切.而且的澗位真係幾難行,大級大級咁,又要爬上山崖,睇落真係幾驚險,好彩上多過落.比較容易. 上到山崖頂,望返落去真係好凶險,真係唔係講笑.係的潭位就好多魚,有的都好大條.有一隻手掌咁長.身頂仲有的黃色點係到,又有蟹.當然我地開餐時,我地都同的魚share的食物,一齊開餐,其實咁樣餵佢地應該係破壞緊食物鍊,荒山野嶺邊有粟米,同西瓜. ha ha. 好唔好彩.法官個日行到overheat,散唔到熱,好彩佢一早發覺,係中途回程,因為尾段的路仲激,要做蜘蛛俠,貼住的崖黎行. 真係要小心小心. 幸好,所有隊員都平安無事,無人傷,無人中暑. 只係大腿酸軟.. ha ha.. 有時間睇下的相. 好驚險嫁.ttp://zircon.no-ip.org/2007_08_05雙鹿石澗 . 今次仲可以睇埋阿鍾個photo ablum,都有一些行澗既相http://www.ec-photo.com/ivanlee

港島單車通宵遊

幾年前踩過一次通宵單車,一次.... 就係果一次.己經怕怕踩單車要踩通宵,因為好眼訓. 又傷身,我仲記得個次真係街邊張長椅訓著o左. 事緣上星期五又黎多次踩通宵,不過今次係踩港島,一樣係踩到好眼訓,我直頭係一停低休息就訓,個晚痴痴呆呆咁,如果唔係豬魚阿ray咁好慶志,都唔會同佢地一齊癲,不過今次希望真係last one. 因為好辛苦,最慘我第二朝返到屋企訓唔著個下慘,一來屋企裝修好嘈,二來可能生理時鐘tune唔到.個朝返到屋企8點訓落床,我未到12點己經起o左身訓唔著,想死咁............. 不過當晚好多笑料,因為太熱,要除衫踩車上大平山,出現了光豬四壯士ha ha.. 但相唔出得街.. 大家無眼福啦.. ha. 仲有既爆笑料就係神奇汽水機,入3次錢就無限供應你汽水,哈哈,好神奇. 依稀記得當晚由天后上太平山,又去o左赤柱,再去香港仔食消夜,之後就落返西環電車路去北角散隊. 各位單車朋友,下次最好唔好踩通頂啦........ 保重身子好..........大家都老啦.. 哈哈哈! 如果你地堅持要踩通宵,咁我寧願係屋企好好訓一教,最多日頭黎踩,曬到變豬頭.

嘉道理農場-鳳蝶樂園

又到weekend,當然要放底工作鬆一鬆,近來最hit既影蝶活動又黎,地點 - 嘉道理農場, 上次放假去過一次好多蝴蝶,可借無時間影,所以今次要主力剩影蝶,仲記得上次同raymond阿鍾去落大雨,係好大個隻,今次一樣咁黑仔,都係落大雨,唔同既係,今日一聽到雷聲即收恰行裝落山走人,好幸運,我地去到厠所洗面換衫時先落大雨,老天爺對我們都不錯啦,起碼唔駛淋濕的相機先.講返今次既收獲先,大部分都係鳳蝶黎,係現場睇你以為來來去去都係個幾個品種,但細心的睇原來佢地係唔同嫁,今次我係個photo album加埋佢地既名,等大家可以認識下佢地個名,而且今次見到好多天蛾圍住一棵應該係類似柑桔樹採花蜜,多到你數唔到, 但睇到未必影到,因為佢地飛得好快,ha ha.. 最可借影唔到個尾係藍色既蜜蜂,佢地肥do do, 好可愛咁.不過今次好慘,俾蚊咬耳仔,仲要咬到敏感睇醫生,下次記住要搽蚊膏要搽埋耳仔.唉..................好癢,醫生的藥好勁,好眼訓. ha ha http://zircon.no-ip.org/2007_07_29嘉道理-鳳蝶樂園

再戰酷熱的蝶樂園-鳳園

還記得復活節去過鳳園一次,當時天氣太凍,無咩蝴蝶出現,今次再去,環境唔同曬,草同花都開得好茂 盛,不時都有蝴蝶飛過. 平均幾鐘可以見有蝶飛過,當然佢停唔停係另一回事.ha ha 不過經法官指點後,原來好多蝶都會係馬櫻丹花既黃色花上採蜜,我地用o左守株待兔既戰術下,影到唔少既鳳蝶.而且今次既品種都算係多,係影到相既情況下都數到有12種, 仲未計的唔停站影唔到既蝶,鳳園 - 真係無改錯名. 不過唔同既蝶有唔同既特性,上次係書展都買了的蝴蝶書做參考,希望了解佢地既特性而影得更得心應手啦.下次會留意下的植物. 原來唔同既蝶會食唔同既植物, 想影到自己心愛既蝴蝶就要知佢地平時食的咩啦.而且當日見到好多蝴蝶交配,又見到好可愛既天蛾(即飛蝦),仲見到好靚好幽美既燕鳳蝶,可借影唔到佢, 最後離開鳳園時發生o左條趣事, 就係有隻白雪雪既鈕灰蝶 Acytolepis puspa 係andy個背囊到唔走,我地成班把握住咁好既機會係咁影呀影,有的士黎都唔上車繼續影.後來返屋企查書,雄蝶會群集吸水,我相信隻傻蝶係係到吸緊andy背囊既汗水,而且佢仲吸得好好味咁,賴死唔走, ha ha.... 最搞笑我係經支marco鏡頭睇到隻蝶係到去尿尿.. 死未.... andy.. 你有冇洗背囊呀.. 哈哈哈! http://zircon.no-ip.org/2007_07_23鳳園

龍古灘+米埔夜間歷奇

期待o左好耐既米埔夜遊終於到啦,因為一星期得一場,所以好難先參加到,在此要多謝albert既幫忙,由報名安排都係佢一手搞曬,真係萬分感謝! 不過話明夜游當然係晚上先去, 日頭當然要影多場啦, 主題又係近來最hit既蝴蝶啦, 今次決定地點係龍古灘, 而且仲要係早場,因為的蝶同人一樣要起身食早餐,中午太曬就會休息,再到黃昏先出黎食tea,所以當日10點己經到o左龍古灘. 但收鑊只係一般,可能當日天氣太熱啦. 熱到我底褲都濕透, 最後要係食lunch時去買返條黎換. HA HA..... 戲肉當然要講下晚上既歷奇夜遊啦,係導師帶領同講解下,對米埔加深o左認識,原來香港政府係必要保護米埔濕地,點解? 原來有一條叫拉姆薩爾公約所約束著,這是一條國際公約,香港有責任保護境內的重要濕地資源,所以呢.....如果無這條公約,濕地可能變曬樓囉.第一次入濕地,好多雀,青蜒,豆娘.係導師既講解下, 認識o左基圍蝦既特性, 又知道o左係街市所謂既基圍蝦根本係養蝦黎,因為係香港得米埔有基圍蝦而且不會係市場出賣. 進入o左晚上,主題係蝙蝠同飛蛾. 不過兩樣興趣我都不大, 不過係遊歷夜間既米埔時,好多蝙蝠飛黎飛去. 不過就睇唔到真樣啦. 不過係晚上既遊歷就見到好多蛾同螢火蟲, 導師仲空手捉了一隻螢火蟲黎俾我地睇,原來係幾樣衰嫁.. haha. 而且螢火蟲係食蝸牛,佢可以鑽穿蝸牛既硬殼,食佢地既肉,果然係外表美麗但內裡就殘暴..........聽到都覺得佢勁.. ha ha. 又知道o左原來青蜒係肉食性既昆蟲,嘩..........原來佢食肉,聽到都嚇一嚇. 不過最開心既係見到可愛既樹蛙,細細隻眼大大咁.如果大家有興趣感受下大自然既話可以睇下米埔的活動,佢地既web 定期都有活動參加 http://www.wwf.org.hk/chi/maipo/introduction/wildlife.php
http://zircon.no-ip.org/2007_07_22龍古灘米埔夜間歷奇

放假悠遊嘉道理

一連3日既假期,第一日就約o左raymond同阿鍾一齊去嘉道理影相,本來計劃去完嘉道理再去梧桐寨影瀑布,可借我地低估o左嘉道里農場之大, ha ha.. 最後嘉道理係玩足朝10晚5,去唔到梧桐寨之餘,仲要俾雨淋濕. 當日一行三人去到嘉道理就座小巴上到山頂既兄弟亭開始行落山,一路行一路影,點知個天落了三場雨, 有一場仲落到狗屎咁大, 好彩我同阿鍾都有帶雨傘,同背囊有raincover,如果唔係一定損失慘重.唔知係唔係天意, 因落完大雨既關係,農場裡既水溪有好多流水, 又係一個可攝影既題材,今次去嘉道理大部分時間除了等雨停之後就係影流水, 不過最另人嘩然既係蝴蝶園, 今次既蝴蝶園不止花開得靚,仲有勁多蝶係園來飛黎飛去, raymond 開心到連lunch都唔食就開始係咁影. 我就唔得啦. 肚餓無力,會手震影唔到相. ha ha. 不過又係時間太少啦, 我地係蝶園既時間得45mins,所以收穫不算太多.但當你見到成百隻蝶係你面前飛,一樣感到好興奮. 一日假期咁就完o左. http://zircon.no-ip.org/2007_07_18嘉道理農場

「風箏」YWCA 暑假通訊封面影相活動 - 城門水塘

秋天一期既暑期封面又要影相啦,不過今次地點係前一日先決定,因為諗極都諗唔到邊到影到秋天feel.最後既地點係城門水塘,因為今次時間太少,所以要有咁近得咁近.都無咩諗秋唔秋意啦.而且的義工得1.5小時俾我地影.真係趕頭趕命.不過當日既過程總算係順利,係到要多謝david,albert,阿鍾同我細佬幫手影相. 仲有金水的風箏都好靚,不過我以前未放過風箏,ha ha.. 又好似幾好玩咁. 做完義工又係自由時間,今天既天色比昨天更清更藍,當然我地唔會放過咁好既時機啦.. ha ha.. 影完水塘位,albert就帶我地行大城石澗既小部分. 係石間位好多豆娘影. 仲用埋魚眼鏡黎影豆娘marco.不過影好多張都失敗. 又見到隻家養既唐狗, 佢的主人叫佢做毛毛,我同佢影相時,佢好似識對住鏡頭笑咁, 好鬼醒. 不過最後大家都覺得太肚餓就急急落山食o野啦. 無再繼續行. 城門...... 真係一個近近地又有蝶,又有景影既好地方.http://zircon.no-ip.org/2007_07_15城門水塘

初夏之城門水塘

今次算係第一次去城門水塘影相,因為之前踩單車經過幾次,但無行入去睇,其實係踩單車唔俾入o者, ha ha, 沿著樓梯上, 好攰,好熱, 不過當行到去水塘邊,一陣陣涼風, 又幾爽. 不過中途見到隻勁衰既馬騮,滿臉暗瘡. um um... 係蝴蝶園,蝶既數量不算多,不過就好驚喜見到天蛾,即飛蝦,而且佢不斷打轉食花蜜,仲要唔係好驚我地,我地成班四,五個人係咁影,落閃又有,連拍又有,好興奮,我咁大個都係第一次見天蛾,佢好搞笑.好似隻蝦,又似隻蜜蜂,不過佢飛得好快,對翼又拍都唔見影.初時我以為佢係蝴蝶,後來查書先發現佢係蛾 - 長啄天蛾,而且係易見.影完蝶園就去o左水塘位,個到舒服,好寧靜,係一個好地方黎. http://zircon.no-ip.org/2007_07_14

流浮山下白泥一日游

浩浩蕩蕩,一行9人食過午飯後就出發去流浮山,今次叫埋細佬同舊同事kevin一齊去.好耐無試過咁多人一齊去影相啦.架小巴都俾我地座o左一半.不過流浮山就無乜特別景色,因為未到秋天,所以唔會曬生蠔.不過就見到個蠔山都幾嚇人.而今日最開眼界既就係阿ball同Albert 的Hasselblad 相機,Albert仲係新機試影. Hasselblad個viewfinder真係好立體,仲靚過用肉眼去睇,真係大開眼界,厲害厲害,不過價錢仲厲害. 影o左無幾耐就搭的士入白泥啦,當日天氣都算清,有藍天白雲,我地係未日落前都好多主題影,有的小草同青蜒影下,好幸運,當日既日落位無厚雲,成個燈紅既太陽完完整整,正. 而且今次仲第一次運用黑咭. 效果仲唔錯. http://zircon.no-ip.org/2007_07_08流浮山下白泥

籠裹雀 - 香港公園

星期六無咩特別要做,一早同金水踩o左轉飛鵝山,當然金水又唔知醒,我去到佢屋企樓下打俾佢先起身,佢次次都係遲 XD, 不過一早預o左. 所以次次都係食住早餐等佢.不過太耐無操車, 上斜真係好辛苦, 睇黎遲的要操下夜車先得, 日頭太熱,真係會踩到死. 之後等奶媽放工後就去香港公園影相同測試部30d 既表現. 30d 比起以前部 300d真係差好好好遠,對焦準的,buffer大的,viewfinder都清的.影個陣時對眼都舒服好多. 仲可以1秒5張,爽呀! 希望下次換機時可以上到 full frame level啦, 不過30d起碼要用返佢 2年-3年先換嫁啦. ha ha.. 300d....你可以光榮退休啦. 休憩下啦!http://zircon.no-ip.org/2007_07_02香港公園

滕生入伙啦

恭喜恭喜,滕生終於入伙,佢間屋四四方方,好實用,二人世界加埋佢地隻仔仔-細佬 (佢隻惡犬). 夠住有突,如果俾我實放多兩架單車,同幾部相機. 哈哈. 不過滕生真係住洋樓,又養番狗哩. 有錢人家. 唔羨慕得咁多. 而且經佢地個designer(滕太) 精密既設計同佈置下,間屋變o左一間Hello Kitty既展覽館,hello kitty hello kitty hello kitty............. 每個角落都有hello kitty. 唔知佢個仔會唔會同hello kitty打交呢.... XD.如果我有幸結婚同擁有自己既的話,我希望係一間gym room, MTB room 同相機room,最好有埋水族館. ha ha.. 如果樣樣都唔得,起碼都唔係hello kitty館先. 滕生睇完唔知會唔會殺o左我呢! 哈哈哈.

http://zircon.no-ip.org/2007_06_29%20andy%20home

走進自然 - 東平洲

超級焅熱天氣,換黎藍天白雲既風景,初次登陸東平洲,真係太美了,一落船令你有會置身於外國既感覺.原來香港也有一個咁美麗的島.不過當日天氣真係太熱了,汗流不斷,當日係我有生之年飲最多可樂既一日,哈哈..... 係短短三,四個鐘飲o左3罐可樂,好彩島上有士多如果唔係都唔知點算.帶隊既raymond領導我地沿海邊行,經過龍落水,難過水等地方,每個風景都不錯,當然我地既相機都好忙,而且行到最尾難過水之後仲可以見到好多魚,海膽既海洋生物,但可借我地因影相花o左好多時間,最後係要急急腳趕返去碼頭.不過島上有好多碼蟻,而且會咬你,都幾痛,就算你著長褲一樣會中招.
http://zircon.no-ip.org/2007_06_03%20東平洲

影蝶狂熱

好耐無寫blog,見今晚有的空閒睇返的相,原來前排齊親腳之後,多了去行山影蝴蝶同昆蟲既相.其實以前好怕昆蟲,覺得佢地好嘔心,不過自從影多o左佢地之後,又唔覺佢地有乜咁恐怖.尤其係蝴蝶同睛蜒,佢地係好colorful好靚的.而且一發現一的未影過既蝴蝶就會好興奮,好希望可以影得佢靚一靚.以下有之前去過 5月26號大埔滘既相,有興趣就自己睇睇啦. http://zircon.no-ip.org/2007_05_26大埔滘

嘉道理農場-大新圍日落

嘉道理農場,之後聽就聽得多,但咁耐都未去過,今次去是因為約了albert去天水圍買單車架, 但又約了raymond,要等佢放工,所以早上有的時間,最後同albert,法官,阿源決定去嘉道http://zircon.no-ip.org/KadoorieFarm/ 行個圈. 一早去到門口,己經見好多人賣緊的有機蔬菜,但價錢唔平. 當然我係運吉只睇唔買啦.. ha ha. 第一次去,俾想像中大同整齊, 原來嘉道理農場係cover 成個山的,果日只能夠行到一半,而且有法官做導遊,唔駛盲蹤蹤. 為影相真係好多o野可以影,只係蝴蝶比較少. 有機會再去要再行耐的睇真的.去完嘉道理後,下午約了raymond去睇單車架,albert今次有福啦.找到佢心目中個單車架,仲要講到講到$800有交易. ha ha. 之後一顆5人去了大生圍影日落加餵蚊.再返元朗食飯就散隊.節目豐富.

Getronics 舊同事再踩單車event

自上次既單車function玩得太開心之後,好快的舊同事又約多一次踩單車,勞動節前一日,佢地真係好勞動啦,由大圍踩入大尾篤,仲要加埋bbq. 沿途我當然要充當埋攝記啦.. ha ha.當日人數就多啦,有阿yau, andy, spring, pinky, peter, 阿浩, frankie tsang同佢女友, 阿聰, 阿john一家, jacky同佢女友加埋佢隻可愛松鼠狗. 不過bbq就真係熱o左的啦.食到呆呆下. ha ha, 不過當日都好多笑o野, 阿yau就偷我架單車踩唔夠20m就抄車.. 仲要擦傷手,抵死. 又係大埔等阿john一家時,成班傻仔係到玩jump影相, 好低b但好搞笑 XD . 仲有yau生同yau太既單車浪漫游. yau 太甜到入心啦.. 我都唔衰嫁.. 車o左一轉andy.但其實單車載人真係好危險.........開心既時光真係好快過.. 咁又玩完一日,佢地還曬車之後. 又係我最悶既時候. 因為要一個人踩返屋企, 大尾篤到黃大仙.......he he.......這個moment,當然係爆啦. total 今次用o左1:49由大尾篤踩返黃大仙,算係咁啦.. ha ha. http://zircon.no-ip.org/GetronicsEvent

Action Asia Sprint Series Race 5 at Discovery Bay

今次後記既action asia最尾一場比賽真係極難忘,因為係影比賽途中R柴仲要成個失頭哥仆o左落地仲要拖o左一下.痛到成個人座係地下,睇住的血係咁流,好耐無試過咁痛,最慘係愉景灣個條路又無咩人,想叫人幫手都唔得,痛爆o左一陣,用水洗o左傷口忍住痛慢慢行返去碼頭. 到o左碼頭第一時間找AMS洗傷口同包紮.不過AMS個阿叔洗完傷口見意我去醫院聯針.當時我都嚇一嚇,仆一仆就要入廠,唔係咁化學呀? 不過最後入院都唔駛聯針,過o左成星期,傷口己經好返7成,仲勁痕.都算係好得快.係到要多謝各位慰問同關心既朋友同aae既參加者,下次我一定會出現再幫各位影相的. http://zircon.no-ip.org/AAE@discovery bay

烏蛟滕行山攝影遊記

今日母親節,本來想早上叫阿媽飲茶既,但佢話多人又迫,唔好飲.咁我當然自己另找節目啦.所以早一晚留夜都約o左法官同albert第二日去行山影下相. 因為母親節關係,個個都要回家食飯,所以路線比較短同平坦. 最終兩位行山專家就決定行烏蛟滕其中一部分-三椏涌行一個圈.雖然話就話路線短,但今日所見所影既係咁多次行山最多同最有驚喜既一次, 好多品種既蝴蝶,青蜓都係第一次見.好明顯係我見識少啦. 但我地都睇到嘩嘩聲同頂頂聲,因為好多未見過既蝶飛得好快,又唔停低,我地三人每一次見到的未見過既品種,就會準備定影相,但10次有9次的蝶都係唔停同飛走o左.因為今次見到好多唔識既蝴蝶,搞到心痕痕去買本講蝴蝶品種既書.哈哈! 總之今日太精彩啦,對翼唔係透明既青蜓,扮曬枯葉既蝶,對翼勁靚既蝶,紅樹林區既跳跳魚,係到垂直升降既不知名昆蟲.真係難忘. 睇下相啦http://zircon.no-ip.org/wukautang/ 不過點都唔夠今日又R柴難忘...........唉..... 都唔知咩事. 今日無啦啦又R親左腳腳眼.雖然唔係好嚴重.但都痛o左一陣. 可能左腳失頭傷口影響啦,右腳變o左重心腳,一下唔小心又R埋右腳,真係屎呀......要好好正視下,再傷真係唔得惦,水又唔落得. 跑又唔跑得. haha. 正所謂...人肥就終始要仆直... 近來真係仆得多.. 小心小心.仲有個傷口痕得好想死.

「陽光氣息」YWCA 暑假通訊封面影相活動

今次既活動主要是幫金水間YWCA影暑期封面.今次既活動好多攝影朋友勇躍參與做今次既義工,人數比想像中多.有david, 大mike, albert, 阿雄. 個個都大師級人馬黎. 我就對影人像一頭霧水.不過志在去攞下反光板同學下點影. 不過個日都好攰,因為早上剛剛影完action asia, 好彩R車我返出將軍澳又請埋我食飯,之後先施施然搭小巴去清水灣join返佢地.不過落清水灣二灘時,反而俾隻蝴蝶吸引住,哈哈... 搞到遲上加遲. 落到沙灘己經見佢地同的model影緊相, 我同金水就主力幫手打反光板同影花絮,第一次用反光板.. 原來係咁有用.又學到野.當日仲有大會提供free既雪榚食.的大師影呀影,好快又日落. 咁又影完1日. 己經今次既通訊己經出o左,大部份既相都係david大師所影,勁呀.影得好靚好靚. 大家可以去以下既link入去睇睇YWCA既網上通訊 http://ittko.ywca.org.hk/2007-summer/button/index001.html

而我自己既photo album就有的花絮睇下 http://zircon.no-ip.org/YWCASummeron.no-ip.org/YWCASummer

MTB @ 河背橫塘良景山下白泥

腳痕痕,又有車友叫入山玩,正呀. 不過人老了,玩都玩得安全o左.而且單車也老了,玩到支前叉係到喊(留流).唉...睇黎要換叉. 今次既行程好長途. 通常踩完河背己經無o左7成體力,踩埋橫塘己經散曬,今次帶隊既肥周簡直係魔鬼教練咁,最尾仲要踩上良景山去下白泥.上良景山既超級大斜,見到都驚,仲激過上飛鵝山,最佩服車友阿偉,踩住架gaint既入山車,又重又食力,上斜一點都唔慢,好勁.不過最開心係今次入山帶埋部300d入去同佢地影相,我入到山就爆一段停一段,就幫佢地影沙龍,雖然有的辛苦,但同佢影下相大家都玩得好開心.. ha ha. 唔知近來係唔係跟陸班長操跑步既效果,覺得踩山既體力好o左咁.好. 去片呀
http://zircon.no-ip.org/Bike_14April07/

Action Asia Sprint Series Race 4 at Sai Kung

今次第4場比賽, frog team 得蕉爺出賽, kinson腳痛,大mike就下午要去金水個邊影function所以無黎. 個日晨咁早係鑽石山搭頭班巴士入去, 一去到.. ho ho.. 又熱又無風. 成條河係面前.距離都幾長,水應該都幾深, 我見的參賽者澗水過對面都到心口位,最搞笑開賽百幾人澗水過對面時.好似打機咁搶灘.好壯觀. 而且影AAE已經影到熟曬面口,所以好多參賽者都叫我影相,自己既投入感更大,滿足感更强. 不過今次因為澗水關係所以只能夠係終點等佢地返, 咁多次影AAE最舒服算係西貢這一場了.. 但講真等個時好鬼悶, 搞到我買o左隻雞腿食下. ha ha.. 其實係為食o者. 最後今次function要多謝R車返我去將軍澳, 仲要多謝R,焦爺同佢朋友請我食飯,真係客氣. 希望下場幫你地影到靚相啦.
http://zircon.no-ip.org/AAE@saikung

復活節大眾單車樂

復活節假期最後一日,天氣好好,不太熱仲涼涼地,一班舊同事約定O左踩單車,一向覺得佢地唔多做運動,個日就個個都到齊,阿Yau,ANDY,demsond 仲有佢地的老婆都出埋黎,只欠vv無黎,成日都約唔齊腳,今次就出齊黎, 果日我帶埋部相機幫佢地全程影相,哈哈,我踩一段就停低影佢地.影到好多搞笑樣,最衰影唔到文仔抄車同阿yau 抽根個樣,如事者由大圍影到去大尾篤都影o左成百張相.唔知係唔係玩得太開心,佢地己經再話係今個月尾 28號又再搞多次踩單車入大尾篤bbq. 可喜可賀呢,做多的運動係健康的既. 影o左好多開心相,得閒黎一齊分享一下啦.不過順帶一是大尾篤間泰國o野都好貴下,每人要成 $90,太貴了. 好彩我踩自己單車.唔駛俾租車錢.. ha ha.. http://zircon.no-ip.org/easterbike

復活節節目 - 鳳園影蝴蝶

影完大會堂音樂廳,第二日又有相影,早上去o左Maryknoll攝影比賽,之前報o左名,志在可以入去睇o下,因為個到真係幾靚,平時無咩機會入去.不過有的可借既係佢只係開放小學部既外圍,連課室走廊都無得入,最靚景既中學部唔開俾人入,可借可借... 下午就找o左剛可以出院既奶水,佢唔知做乜鬼無啦啦話盤骨勁痛,仲搞到入院,但個日見佢又行得走得. 希望佢無事啦, 明天打個電話問佢情況點先. 食完lunch 一行5人殺去鳳園影o野,有豬魚奶媽albert同奶水,我部300d就借o左俾奶水玩,見都玩得好開心,ha ha,自己就用eos3 影菲林, 志在影下玩下咁, 因為個日唔係太多蝴蝶出現, 天氣太凍了.的蝶都唔出黎, 最慘個日短衫褲,成為o左的蚊既大餐.慘............... 其實未玩相機前,自己唔多鍾意昆蟲,因為覺得佢地好嘔心,不過影影下其實的蝴蝶又幾靚.不過暫時都係只接受到蝴蝶.相影得不多,希望下次再去鳳園可以影到多的不同類型既品種啦.http://zircon.no-ip.org/bufferfly

復活節特別節目 - 香港大會堂 POLY U 中樂團

復活節本來頭2日去wild camp, 但天氣太差了.無相影, 所以大顆人決定取消各自修行,話就話客自修行,但我一連幾日都係同阿源,albert,raymond的影相友同車友渡過.. ha ha, 影相踩車同踩車影相或者係同一時間又踩車加影相.. ha ha.. 不過今次最難忘係有機會幫albert的朋友係大會堂影poly u 中樂團演出前既採排花絮. 咁大個仔都未入過音樂會廳聽的咁有品味既音樂, 最慘係影這些funtion係唔俾用閃燈. 要推iso到400 - 800 去影, 我個部老爺300d 推到iso400 己經係慘不忍目, 推到iso800 勁多noise. 希望快的可以換30d (發下夢先). 當日好好玩.第一次影咁既function, 唔多識影.雞手鴨腳咁, 不過見到好多中樂器, 好特別, 仲有個大樹琴,好厲害. 一邊影相一邊聽音樂. 一樂也. http://zircon.no-ip.org/music/

金水birthday dinner

今日睇返先見到金水 birthday dinner的相唔記得tune, 當然啦啦聲出返的相啦, 諗下諗下, 中學時代同金水都唔多熟, 我都唔記得因咩事會同佢熟絡, 金水... 你記唔記得.. ha ha. 不過最記得你中學時似個問題少年, 同現在既金水真係好大既轉變, 唔知係朋友既眼中我又有冇變到呢.. 哈哈！金水你又大一歲啦．不過你個樣仲係好後生咁．放心.. he he. 當晚仲有一大班既朋友出黎同金水慶祝, 人大o左.. 簡簡單單既一餐晚飯, 幾個知己座低傾o下計,講o下笑吹下水,想當年呢........ ha ha.. 咁又一晚.. 日子真係過得快. 仲有好多好多事情未做好..努力努力.
http://zircon.no-ip.org/chungbirthday/

Action Asia Sprint Series Race 3 at Mui Wo

第3場賽事係梅窩舉行, 我地又好似上年石澳個場比賽咁,前一日入去宿營,第二日一早唔駛咁辛苦. ha ha.. 又剛剛撞正梅窩洪聖誕節,個晚入到去成10點都仲好熱鬧. 但其實就唔多o野睇, 算係有的o野食買咁,但唔多吸引. 仲食o左的唔知咩麵(叫大兜麵,當地人結婚時要食個喎),好似食麵粉咁好粉. 唔係咁好食=.= 不過志在食過咁.. 個晚成班bbq,有kinson一家4口,tommy一家3口,阿kent同佢女友同大夫,嘩哈哈咁bbq,講埋的笑完永遠唔會記得既笑話.果晩訓前仲睇埋火影忍者先睇.連阿kent都有追.真係幾好睇. 不過唔知有冇嘈住大夫訓教呢. XD. 第二朝起身, 落樓下集合,遲遲都未見kinson同tommy落黎,大夫就捉佢地落黎. 之後就行去比賽地點check-in 先,而今次的大會衫,唔知咩事縮曬水, 好似童裝咁, 佢地4個一早到所以試曬的碼, ha ha. 之後到場的參加者當佢地幾係model咁問佢地著咩碼.之後係碼頭都見到大mike,阿蕉,R同好多熟識的面孔, 比賽前仲好多時間食早餐,吹水之際原來kinson女女因張床太細發脾氣,搞到kinson成晚要打怪獸同請救地球. ha ha.. 我現在先知原來佢地成日講請救地球係咩一回事,笑死我. 好... 就快起步. 原來佢地的仔仔女女同女友都黎o左打氣,見到kinson女女仲好留心咁盯住daddy, ha ha.. 真係sweet. 佢心裡一定不斷幫daddy打緊氣. Three , Two, One 成班野人嘩嘩聲出發, 佢地出發後我當然係飛的士去另一外個point位, 之前仲join埋奶媽, 不過今次好失敗...........我係行錯位. miss曬佢地最精彩的行澗位. 唉............... 下次真係要問佢地借部gps黎一路睇路行, 當知到等錯位就半跑半行行返去石澳沙灘, 點知tommy大夫,同R己經係衝曬線. 搞到自己有點失落...........下次下次一定要準備得好的..... 今次除了幫frog team 影相之外,都影多o左其它參賽者,因為影o左幾次都見慣見熟,打o下招呼. 咁好自然就係幫佢地影埋, 不過最搞笑係頒獎時俾人足住黎影相, 佢地應該係將軍澳的參加者. 不過見佢地咁開心, 我又幫佢地係咁影呀影,又幾好玩喎! 搞到我好似大會攝影師咁. 有興趣大家又黎睇o下的野人相啦. 哈哈...
http://zircon.no-ip.org/ActionAsia@MuiWo

Action Asia Sprint Series Race 2 at Tung Chung

到第2場sprint series既action asia比賽, 今次比賽多了音樂人-屎生參戰, 平日佢都無咩操,都有心去參加比賽,連佢自己都話膽心 ha ha. 不過最後佢都完成到賽事, 好厲害! 可借自己真係唔熟水性, 如果唔係我都會去跑o下山跳o下海,做o下深山大野人 XD. 講返比賽路線, 今次見佢地大部份都係石澗黎, 碎石大石乜都有. 仲好洗, 又上又要落, 見好多人都跑得好小心, 但快個的鬼佬真係唔要命咁,真係跑得好快, 我係起點行去石澗位約1hour, 己經有參賽者回程, 成日心想, 係唔係嫁.. .. 有冇跑得咁快呀? 咩人黎嫁?? 但佢地真係跑得好快, 都唔知咩構造. ha ha 個條石澗唔記得叫咩名.. 但都幾靚,的水澗有好多魚游黎游去,有機會要去行下影相先. 今次有理其它參賽者既相睇, 得閒去睇o下的深山大野人比賽啦.. http://zircon.no-ip.org/actionasia@tungchung

Standard Chartered HK Marathon 2007

渣打馬拉松又黎啦, 我當然要幫frog team既健兒影相啦. 連好多同事同朋友都有參加, 渣打馬拉松既吸引力真係大. 好唔好彩,賽事前要ot通頂,做到成04:00,之後飛的返屋企又再飛的去西隧入口準備,call 埋raychow叫佢起身,點知佢話沙田超大雨, 九龍這邊無幾耐都落大雨,好彩落到賽事開始前就停o左, 5:35am 嘩.................. 人潮黎緊. 個一刻真係嚇親.. 乜..... 咁多人既.. 係咁找自己的friend... 找極都找唔到,天又黑,就算找到都影得唔會好. 就係咁望呀望,找呀找. ha ha.. 最後10km 同半馬只係找到一個同事,金水and佢女友. 係參賽者中,一人家大細又有,成班friend一齊又玩又影相又有,傷殘人仕都有...我想這個真係渣打馬拉松既特色.不過有的人係路中間影相真係阻住後面的人跑步.到全馬既賽事,無人潮,仲可以企近賽道影.正.... 所有參加全馬既frog team同朋友都影到幾張相... ha ha.. 交到貨交到貨. 因為影唔到佢地一定會好失望. 所以今次唔偷懶,一路用望遠鏡睇住佢地黎未. 相機又係問o左豬魚借. 因為自己部300d連拍真係唔多得.buffer又唔夠, 30d 1秒6張加埋ai-servo,有9成相都中焦.唔錯唔錯.最後係西隧口影完後就同raychow過返係天馬艦影緊既奶媽去食飯,點知真係當黑,公司又打黎要做call,身心疲倦無得訓仲要未食飯就趕返屋人止做call. 唉....... 好彩返到屋企另一位同事己經幫手搞點o左. 沖個涼食個cup noodles就昏迷o左.... 之後發生過咩事就唔記得曬. 下年有機會影要再影得好多. 各位frog team隊員同參賽朋友,繼續練跑,再接再黎.多謝欣賞! http://zircon.no-ip.org/HKmarathon2007/

Action Asia Event @ Repulse Bay Feb07

AAE 又開攞, 不過今次係短程比賽. 所以都無咁多o野玩. 當然我無份玩.. ... 只係有份去幫frog team 同朋友影相 ha ha.... 自問唔跑得加唔游得. 有心無力.一陣跳海唔識游死鬼o左就俾人笑死.. 哈哈哈. 不過action asia真係幾好玩.見的朋友都玩到好開心, 個個都變曬野人咁係個山頭又跳又跑,仲要跳海同行o下山澗咁. 但唔好似為得男人玩. 好多女仕一樣可以變野人,仲不比起的男野人慢. 真係勁. 唔好睇小女人呀. 今次的相加o左相框,係見阿so加o左幾靚咁又想學o下,又俾我買到本書有講點做,所以今次的相全部加曬框,希望的影得唔係咁靚都有個相框分散o下的注意力.. ha ha... 得閒黎睇o下的野人啦 http://zircon.no-ip.org/AAE@repulse%20bay/

Green Power 綠色力量

賽時己經完o左好耐.不過無時間寫blog.今日呆居居俾公司call要趕返屋企做o野,點知返到屋企原來係煙幕.所以今晚有時間睇返的相.. ha ha. 上次green power得我一個去影相, frog team就齊曬 billy,大夫,tommy,kent,kinson都齊曬.
一早上到山頂凍到爆,最慘前一日勁痾未好返,仲痾緊,連早餐都唔敢食.不過上到山真係好餓,好彩阿kent剩o左件三文治頂一頂.影完佢地開跑即去痾..慘 ha ha. 今次一個人去,之前己經plan好曬山頂-陽明山莊-石澳終點等佢地.一痾完即照完定計劃搭巴士去陽明山,點知陽明山條斜路都好斜下,行到我死咁,到o左都唔夠20分鐘,billy 已經跟住kk的龍頭到o左.好快,但其它frog成員都唔慢,佢地時間相差都係10-15分鐘左右,一影完kinson過埋,又即去痾.. ha ha. 不過今日終於痾返的實物出黎,唔係水,知道差唔多好番,不過太嘔心不詳細講啦.好... 最尾一站 - 終點. 不過我就呆居居去錯地方,去了石澳灘-應該係大浪灣先o岩,行o左好耐都唔覺有終點同工作人員,心知不妙,即打俾行山經驗豐富既阿源,佢一聽就知我這個傻仔去錯地方,ha ha.. 我當然即飛的士去返大浪灣.一去到終點剛攞相機出黎.. 己經有人叫大隻佬黎緊,心想會唔會係billy呢? 嘩bingo,真係.. 影影影影,咩都唔好理.位都未企定就係咁影,好彩阿源借出30d,如果唔係實miss好多鏡頭.今次frog team 雖然無獎攞,但成績己經好好.最可借係掛住同billy吹水影唔到kent衝終點既刻,唔知係唔係命中註定,我成日都影唔到阿kent,呵呵呵!成績如下: billy 4h 32min 名次5, 華大夫 5h 30min 名次24, TOMMY 5h 36min 名次27, KENT 5h 45min 名次31, Kinson 5h 51min 名次35. 努力呀.. 各位!

http://zircon.no-ip.org/greenpower2007

初三飲茶團拜

07 農曆新年, 無新搞作, 踩o左兩日車, 踩到腳都痛, 不過初三赤口約o左一大班中學舊同學飲茶出黎嘈o下咬吹o下水咁. 殺手仲帶埋可愛既囡囡出黎拜年, 她只得六個月大, 但肥do do好可愛, 佢最醒一見你影相就會好開心,對住你笑. 好有鏡頭觸覺, 有明星風範. 大家一齊去睇o下可愛既殺生女女啦. http://zircon.no-ip.org/chinesenewyear